ginawa ko ang entry na ito dahil meron lang akong gustong ilabas na nasa loob ng puso ko. Punyeta! nito kasing mga nakaraang araw… puro na lang si King ang binibigyan ko ng pansin. Masyado na akong nalunod sa kumunoy niya. Naknampootahkteh naman! Hindi ko kasi mapigilan na matuwa at maging masaya lalo na if King is around me.
Ang malaking tanong? Sino ba talaga Kuya? Si Red ba o si King!
Malandi man ako, hindi ko na pag-iisipan pa ang isasagot ko sa tanong na yan! Ngayon ko pa lang dahan-dahang nakikilala si King, at alam ko na maganda na kaagad ang samahan namin. As in! Masaya ako kapag nakikipagkuwentuhan sa kanya at alam ko rin naman na enjoy siya na kausap ako. Alam ko na minsan sumosobra ang harot ko sa kanya na minsan nga ay nagiging OA na! Yung type na napapahiya na lang ako sa sarili ko at mapapansin kong nakakatawa na pala ang ginagawa ko. Alam kong sira ang first impression sakin ni King, masyado kasi akong lumandi sa kanya to the point na nakakasuka na ang kabadingan ko. Nasan na ang pamhinta effect? Baklang-bakla ako kapag kasama ko siya… hindi ko alam kung bakit hindi ko kayang manahimik at magseryoso kapag kasama siya. Kailangan talaga na suntukin ko siya, kurutin, hawak-hawakan, asarin, landiin, amuy-amuyin, hipuan at malamang… pagpantasyahan. Nakakatawa pa na masyado ko siyang binibigyan ng atensiyon na nagiging TOPIC na siya ng buhay namin (pati ni P. Denz at Vanessa). Madali akong nakakapag-isip at hindi ko makalimutan ang mga pinag-uusapan at ginagawa namin na magkakasama na nasa level na naisusulat ko pa yon kinabukasan saka gagawa ng sunud-sunod na entries na ang topic ay siya. Halatang-halata na sa araw-araw, bawat nangyayari, naaalala ko, naiisip ko… at ipinagmamalaki ko sa lahat ng tao… mukha na tuloy akong GAGO!
Si Red… ilang araw na hindi ko nakikita, ni hindi ko naman hinahanap. Ni hindi nga pumapasok sa isip ko. Ni hindi ako kinikilig pag naaalala ko. Anak ng pusanggala naman! Iba pa rin si Red. Matagal ko na siyang kasama, saksi ako sa paglaki niya at pagkakaroon ng pamilya… magkasama kami sa lahat ng bagay! Masaya ako kapag kasama ko siya at alam ko rin na masaya siya kapag kasama niya ako. Hindi ako kailanman naging OA sa kanya… alam niya ang totoo at sanay siya na minsan ay sweet ako, at kadalasan seryoso. Madalas kami mag-away… pero that doesn’t mean na nababawasan ang pagmamahal ko sa kanya. Nagkapamilya siya’t lahat-lahat pero nanatiling nakakabit ako sa buhay niya. Mahilig lang talaga siguro akong makipagharutan kaya madalas kapag wala siya… at may nakikita akong IBA (ung cute ha) nakakalimot ako…
Mahal na mahal na mahal na mahal ko si Red one million times…. Siya ang kasagutan sa kalungkutan ko at pangungulila, malayo man siya, malapit pa rin sa puso ko. Ipinaglaban ko siya noon! Ipaglalaban ko siya ngayon at patuloy na ipaglalaban habampanahon… yun ay kung ganundin siya, dahil ang makakapagpaalis lang sakin sa buhay niya… ay mismong siya lang at wala nang iba.
Close friend ang turing ko kay King, masarap kausap at kasama… wala nang iba pa. Nagagwapuhan ako sa kanya pero that doesn’t mean na mahal ko siya or crush ko siya. Mahal ko si Red, wala nang iba! Wag ka nang kumontra! Naknampootah nagdadrama eh!
NOTE: sorry ha! medyo serious effect ako ngayon eh! aalis na kasi siya… totoo na!
