sa wakas meron na naman akong magandang subject para sa isang HATE ENTRY. isa siyang perfect na subject bwa ha ha! nadedemonyo na naman tuloy ako ha ha ha!
Ipinapakita ko lang naman dito ang mukha ng pinakaayaw kong tao. walang iba kundi si…
MATILDA
Ilang beses na kaming nagpang-abot ng babaeng ito.
Noong nagwowork pa ako sa Makati, palagi kong pinupuntahan si Red sa tambayan nila para makita lang or para may kasabay akong umuwi. Kasalukuyang nililigawan noon ni Red si Ligaya (di-tunay na pangalan) Una sa lahat maganda si Ligaya (as in maganda talaga) pero binasted niya si Red kaya nabaling ang paningin ni Red sa may crush sa kanya na si Matilda (isang avid fan) tomboy-tomboyan pa noon ang drama nito. Malaki ang boses (bungangera) mahilig maki-join sa mga boylet, parang lalaki kumilos at talagang matapang at palaban.
Kinilala niya ako noong ligawan siya ni Red at sinagot naman niya agad (moment niya eh) itinatanong pa saken ni Red noon kung okay lang… siyempre okay lang, lalaki si Red at kailangan ng babae. naging mag-bestfriend kami ni Matilda, minsan iniiwanan na kami ni Red na magkasama at nagkukuwentuhan. Nakilala niya nang lubusan si Red dahil sakin… nakilala niya ang lahat ng mga naging girlfriend ni Red dahil sakin. Textmates din kami, kitikitext din kasi siya.
Isang beses natulog siya sa bahay namin kasama kami ni Red (wala pang nangyayari sa kanila) pero nung gabi na… ehem! me nangyari samin (as in ako at si Red) na nakita naman ni Matilda. Deadma-deadmahan pa siya noon, kaso nakita niya ang “kissmark” ni Red sa leeg na nagpainit talaga ng dugo niya.
“THIS IS WAR!”
Sinabi sakin ni Red na inamin niya na raw kay Matilda kung ano ba talaga kami, at kung ano ba talaga ako, dahil nga sa marami nang ebidensiya si Matilda. Huwag na rin daw akong magtitiwala at makikisama kay Matilda dahil paplastikin lang daw ako nun.
1st Encounter:
pauwi ako sa bahay, nakasalubong ko sina Red, Matilda at iba pa nilang ka-tropa na palabas ng kanto at masasalubong ko. binangga ko si Matilda ng ubod ng lakas. nagsumbong siya kay Red pero pinagsabihan ako ni Red na huwag naman daw akong ganun.
2nd Encounter:
nag-iinuman ang tropa nina Red at Matilda nang dumating ako, lasing na si Matilda kaya tinabihan niya ako nang maupo ako. “galit ka ba sakin?” sabi niya. hindi ako nagsalita. “bat moko binangga sa kanto?” sabi niya ulit. “kelan naman?” sabi ko. “nung isang linggo!” sabi niya. “hindi ko matandaan” ang sabi ko. “kunyari ka pa!” ang sabi niya. “baka hindi lang kita napansin, pakalat-kalat ka kasi sa daan” ang sabi ko sabay alis.
3rd Encounter:
nag-break sila ni Red. nagagalit siya dahil bakit daw ba kinakausap pa ako ni Red samantalang pinalalayo niya na raw si Red sakin, ayon yon kay Red may nangyari na raw sa kanila. Tinext ko agad si Matilda ng “kala ko pa naman iba ka, natatawa ako sayo ha ha ha!”. Maya-maya bumalik siya. “Hoy! wag mokong iinsultuhin ha!” sabi niya, kasalukuyan pang nasa loob ng kuwarto ko si Red nang dumating siya. tinulak-tulak niya ako. “kakausapin kita!” sabi niya. pinipigilan pa rin siya ni Red dahil nag-eeskandalo na nga siya. Nang mabanas ako kakatalak niya at kakatulak, itinulak ko rin siya, “hindi moko kilala, wag ka maggagaganyan sakin” ang sabi ko. “teka hintayin moko, kakausapin kita… tayong dalawa lang ha! hindi kasama si Red” sabi ko ulit. “oo ba” sabay alis na kami. pumunta kami sa sakayan ng jeep, nag-usap kami ng masinsinan tapos umalis na siya.
4th Encounter:
pinagbigyan ko si Red sa mga gusto niya. gaya nang pinatutulog ko si Matilda sa kuwarto ko nang hindi siya kasama, makipagplastikan na lang daw ako at mangako na hindi ko na sasaktan. okay naman sakin. doon ko na nalaman na buntis na nga si Matilda ng two months. kinausap ko si Red sa malayo. hindi ko alam na naririnig na pala kami ni Matilda.
Cleo: o ayan buntis na. ayoko na makigulo. ano gusto mo ba tapusin na natin ito?
Red: ayoko!
Cleo: anong ayaw mo? magkakaanak ka na Red, magkanya-kanya na tayo.
Red: kapag sinabi ko na ayoko… AYOKO!
biglang lumitas si Matilda na sinundan pala kami ni Red.
Matilda: ANO? ikaw pala ang ayaw! matagal na kitang pinalalayo sabi mo ayaw niya pero ikaw pala ang umaayaw-ayaw pa! (sabay tinadtad ng sampal si Red) walanghiya ka! niloloko mo lang pala ako!
Red: yung bata… ingatan mo naman! (sabay awat kay Matilda)
Matilda: ang kapal ng mukha mo! (tadtad na naman ng sampal si Red)
hinayaan ko lang sila sa ganoong sitwasyon. bumalik sila sa kuwarto ko dahil kukunin ni Matilda yung mga gamit niya.
Matilda: magsama kayong dalawa.
Cleo: pag-usapan natin ito ng maayos.
Matilda: anong usap-usap! magsama kayo!
hinarangan at isinara ko ang pintuan. hindi ko sila hinayaang lumabas. nagwawala na rin talaga kasi si Matilda. Kakatulak niya sakin. Syempre nabanas naman ako sa kanya kaya sinampal ko siya, PUCHA lalo namang nagwala… super-awat naman ni Red (in fairness di siya nagalit sakin).
5th Encounter:
nag-away kami ni Red kaya kinuha ko yung tsinelas niya para hindi siya makaalis. maya-maya dumating si Matilda. bigla ba namang dire-diretsong papasok sa kuwarto ko. pinigilan ko siya. pero nagpupumilit pa rin, kukunin niya raw ang tsinelas ni Red. sa sobrang asar ko dahil daldal na siya nang daldal at nagpupumilit talagang pumasok… Naknampootahkte sinapak ko nga! ayun nagwala at nag-eskandalo talaga. lumabas si Red. inawat kami. nakakatawa dahil isinusumbong na ni Matilda na sinapak ko siya pero deadma lang si Red. sa sobrang tindi ng komosyon. naglabasan na ang mga tao. pati nanay at ate ni Red. namura ko pa nga ang nanay ni Red dahil kinampihan si Matilda. yun na isinalaysay na ni Matilda sa buong pamilya ni Red kung ano talaga kami ni Red at pati na ang mga nalalaman niya. pero kami ni Red, nag-usap naman kinabukasan.
ha ha ha! yun na ang katapusan ng ENCOUNTER namin ni Matilda… sa susunod, kuwento ko naman yung mga MOMENTS na nahuli niya kami ni Red na palihim na nagkikita.
