Bati na tayo Abner

 - malapit na ang bortdey ko kaya lahat ng mga hindi ko nakakasundo ay ipinagkasundo ko na… este binati ko na (ngek)… rephrase na nga lang. malapit na ang bertdey ko kaya nakipagbati na ako sa mga hindi ko kasundo noon. gaya na lang ng aking ex-bestfirend na si Abner.well well well, sanay na nga yata talaga ako sa ganitong moment na super-pagpapatawad ang nangyayari. so ang nangyari eh kasalukuyan akong nagteteteks nang kung anu-ano gamit ang panibago kong TM (ang bagong Touch Mobile) na simcard dahil hindi ako unlimited sa smart at hindi rin alltext kaya ginamit ko na nga ang Free Text sa TM. nang biglang may nagkakakatok.

Cleo:   sino yan?
Abner:   si Abner. (tinanong ko pa eh nabosesan ko naman)
Cleo:   (binuksan ko na lang)

pumasok siya at nagkuwentuhan kami. hanggang sa sinabi niya nga na napagsarhan siya ng bahay nila at walang ibang tao doon. malamang naman na hindi na siya kasya sa dating butas na dinadaanan niya dahil super-tangkad na siya ngayon. hindi naman ako ganoon kasama para hayaan na lang ang ex-bestfriend ko na matulog sa kalye.

Cleo:   dito ka na matulog.
Abner:   pwede?
Cleo:   oo naman! para ka namang tanga.
Abner:   maaga naman ako gigising bukas eh, wat tym ba pasok mo?
Cleo:   kahit 24 hours ka pang matulog, 2pm pa pasok ko.
Abner:   salamat ha! dito ba ako sa lapag?
Cleo:   malamang tabi tayo… eh wala namang hangin jan eh.
Abner:   talaga???
Cleo:   oo tabi tayo.
Abner:   salamat ha.

nagsimula na ngang maging at home na ang feeling agen ng loko. tumabi na kaagad sakin sa paghiga, pero hindi pa naman siya matutulog. nagkukuwento siya nang maraming bagay. hanggang sa nauwi ang kuwentuhan namin sa mga kaibigan namin noon.

Cleo:   andami mo ring pinagloloko no.
Abner:   oo marami-rami na rin, isa lang naman ang ndi ko niloko eh.
Cleo:   sino si Barbs?
Abner:   Ungas! manhid lang talaga yun. pinagpalit kasi ako sa iba eh.
Cleo:   (patay-malisya)
Abner:   …

tabi nga kami matulog hanggang sa nagising ako sa alarm ng fone ko… nabigla naman ako sa eksena, nakayakap siya sakin. naisip ko tuloy, para saan pa at naging mag-bestfriend kami kung pakakawalan na lang namin bigla yung pagkakaibigan na pinatatag na ng panahon. marami-rami rin naman talagang karanasan na pinagsamahan namin, nagbinata kami na magkasama… halos kalahati ng buhay ko kasama ko siya, bakit kinakailangan na deadma-deadmahin ko na lang siya. why not di ba… let’s be friends na lang agen, wala na sanang imbyerna moment. sana as friends… maging masaya ulit kami.